Ан макӑр, анне, ан макӑр та
Ан макӑр, анне, ан макӑр,
Тытас та сӑвас ӗнӳ мар.

Ӗнӳйӗ юлать витерех те
Ӗнӳйӗ юлать витере,
Ыв(ӑ)лу-ҫке каять салтака.

Ан макӑр, атте, ан макӑр та
Ан макӑр, атте, ан макӑр,
Тытас та кӳлес лашу мар.

Лашуйё юлать витерех те
Лашуйё юлать витере,
Ыв(ӑ)лу-ҫке каять салтака.

Ан макӑр, аппа, ан макӑр та
Ан макӑр, аппа, ан макӑр,
Тытас та ҫыхас тут(ӑ)ру мар.

Тут(ӑ)руйӗ юлать арчарах та
Тут(ӑ)руйӗ юлать арчарах,
Шӑлну-ҫке каять салтака.