Музыкальная гостиная

В(ӗ)рени вӑр-вӑр авӑнать,
В(ӗ)рени вӑр-вӑр авӑнать,
Ҫулҫи шӑпӑр тӑкӑнать.
Пур шухӑша шутласан,
Куҫҫуль шӑпӑр тӑкӑнать.

Хурама хуралнӑ вӑхӑтра,
Хурама хуралнӑ вӑхӑтра
Папка кӑларнӑ вӑхӑт.
Ан калаҫтарӑр мана —
Чунӑм хурланнӑ вӑхӑт.

Хӑть сарӑ тутӑр, шур тутӑр,
Хӑть сарӑ тутӑр, шур тутӑр,
Пуҫа ҫыхсан, пӗр мар-и?
Ай, люди, рай, люли,
Пуҫа ҫыхсан пӗр мар-и?

Ыр курсан та хур курсан,
Ыр курсан та хур курсан,
Ӗмӗр иртсен пёр мар-и?
Ай, люли, рай, люли,
Ёмёр иртсен пёр мар-и?

Ухухлатса, ай, ухлатса,
Ухухлатса, ай, ухлатса,
Темёскер вёҫсе кайрё.
Куҫҫульпеле пит ҫуса,
Ёмёр иртсе кайрё.

Леш айккинче, сӑрт хӗрринче
Аманнӑ салтак выртать.
Ун кӑкрине штыкпа чикнӗ,
Юнлӑ тутӑр аллинче.
Ун кӑкрине штыкпа чикнё,
Юнлӑ тутӑр аллинче.

Унӑн юнӗ шӑршипеле
Вӗҫрӗҫ, анчӗҫ кайӑксем.
«Ан вӗҫ, кайӑк, ан вӗҫ, кайӑк,
Вилмен вӗт-ха эп халех.
Ан вӗҫ, кайӑк, ан вӗҫ, кайӑк,
Вилмен вӗт-ха эп халех.

Манӑн аттепе аннене
Часрах кайӑр, пӗлтерӗр.
Манран юлнӑ тур лашине

Ытла йывӑр ан тийӗр.
Манран юлнӑ чун савнине
Калӑр, пит ан макӑртӑр.
Манран юлнӑ чун савнине
Калӑр, пит ан макӑртӑр,
Калӑр, пит ан макӑртӑр».

Германи ҫӗрӗнче ҫапӑҫнӑ вӑхӑтра
Амантрӗҫ мана нимӗҫсем,
Амантрӗҫ мана нимӗҫсем.

И, юлташӑм, юлташ, ыратать суранӑм,
Ыратать суранӑм, чӑтма ҫук,
Ыратать суранӑм, чӑтма ҫук.

Пӗр суран тӳрленмен, тепри тӗвӗленет,
Вилме те вӑхӑт ҫывхарать,
Вилме те вӑхӑт ҫывхарать.

Килте ҫамрӑк арӑм тата виҫӗ ача,
Кӗтеҫҫӗ пуль вӗсем мана,
Кӗтеҫҫӗ пуль вӗсем мана.

Арӑм вӑл хӑй ҫамрӑк, хӑй валли хӑй тупӗ,
Ачамсем юлӗҫ тӑлӑха,
Ачамсем юлӗҫ тӑлӑха.

Ачамсем ҫитӗнӗҫ, амӑшӗнчен ыйтӗҫ:
«Ӑҫта пирӗн тӑван атте,
Ӑҫта пирӗн тӑван атте?»

Амӑшӗ чӗнеймӗ, куҫне те уҫаймӗ:
«Сирӗн аҫӑр вилнӗ вӑрҫӑра,
Сирӗн аҫӑр вилнӗ вӑрҫӑра».

Эй, юлташӑм, юлташ, шӑтӑка эс чавӑн,
Тарӑнрах пытар шӑммӑма,
Тарӑнрах пытар шӑммӑма.

Пӗри тӳрленет те тепри шӑтса юхать —
Вилмелли вӑхӑт ҫитрӗ пуль,
Вилмелли вӑхӑт ҫитрӗ пуль.

Юлташӑм, юлташӑм, пытар эсӗ мана,
Тарӑнрах чавса эс пытар,
Тарӑнрах чавса эс пытар.

Килте ҫамрӑк арӑм тата икӗ ача,
Кӗтеҫҫӗ пуль вӗсем мана,
Кӗтеҫҫӗ пуль вёсем мана.

Арӑм вӑл хӑй ҫамрӑк, хӑйне мӑшӑр тупӗ,
Ачисем юлӗҫ тӑлӑха,
Ачисем юлӗҫ тӑлӑха.

Ачисем ҫитӗнсен, амӑшӗнчен ыйтӗҫ:
«Ӑҫта-ши пирӗн т(ӑ)ван атте,
Ӑҫта-ши пирӗн т(ӑ) ван атте?»

Амӑшӗ калаймӗ, куҫне вӑл уҫаймӗ:
«Сир(ӗ)н аҫӑр вилнӗ вӑрҫӑра,
Сир(ӗ)н аҫӑр вилнӗ вӑрҫӑра».